Қопа орта  мектебінің  тарихынан...

(қысқаша мәліметтер)

      

 

 

 

Қопа орта  мектебінің  тарихынан..

(қысқаша мәліметтер)

      Бұрыңғы Қопа  колхозының  ізінде  әуелі  бастауыш  мектеп  ашылып , кейіннен  он  жетіжылдық  мектепке  айналды. Мектеп  жетіжылдық  болғаннан  кейін  оған  көршілес Баршақұм ,Қызылқоға  колхоздарының  балалары  да  келіп  оқыды. Жетіжылдық  мектептің  алғашқы  директоры  болып   Қомпаев  Түгелбай  кейіннен  Жамантаев  Марат ,Әлібеков  Таубай ,Ермекбаев  Оңдаш ,Тоқтаров  Керей  жолдастар  жұмыс  жасады .Қопа  жетіжылдық  мектебінде  Қазақстан  Республикасының  Еңбегі  сіңген  ауыл  шаруашылық  қызметкері  Жартыбаев  Қошқарбай ,Қазақстан  Республикасының Мемлекеттік  сыйлығының  иегері  Жартыбаев  Марқабай ,профессор  Дүйсенов  Қуандық ,Қазақ  қыздар  педагогикалық  институтының  доценті  Назарғалиева  Күләш,КазПИ дің  доценті,педагогика  ғылымының  кандидаты  Оспанов  Тәңірберген  т.б.  азаматтар  оқып , білім  алды .

    1962  жылы  мектеп  сегізжылдыққа  айналды .Сегізжылдық  мектептің  директоры  болып  ұзақ  жылдар  Ықыласов  Омар  басқарды .1974  жылдан  бері  сегізжылдық  мектеп  орта  мектепке  ауысты .1972  жылдан   1999  жылы  зейнеткерлік  демалысқа  шыққанға  дейін  мектеп  директоры  болып ,Жұмабаев  Сайлаубай  жемісті  еңбек  етті .1986-1990  жылдар  аралығында  Қопа  орта  мектебі  ұжымы  шығармашылықпен  еңбек  етіп  , пәндерді  кіріктіріп  оқыту  бағдарламасы  бойынша  Москва  қаласының  №315   мектебімен әріптестік   байланыста  болдып,бастауыш  сынып  мұғалімдері  толық  бағдарламасын  жасап  шықты .1999-2005  жылдары Шүкір  Айғали   Қопа  орта  мектебіне  басшылық  жасаса , 2006-2009 жылдары  Иса  Ақмарал  мектеп  директоры  болып   қызмет  атқарды .2009-2010  оқу  жылынан  бастап  мектеп  директоры  қызметін   Есболаев  Аралбек   атқаруда .Қазіргі  мектеп  1987  жылы  пайдалануға  берілген  типтік  мектепте  орналасқан.Сыйымдылығы  360  оқушыға  арналған.Жаңа  үлгідегі  мультимедия,физика,химия,биология  кабинеттері  бар.

  Қазіргі  таңда  Қопа  орта  мектебінің   ұжымында  4«жоғары» ,13 «бірінші» ,12 «екінші»  санатты  мұғалімдер  еңбек  етеді .Қопа  орта  мектебі  «Жаңа  технологияларды  түрліше  пайдалана  отырып ,оқушыларға  сапалы  білім  беру»  мәселесі  бойынша  жұмыс  жасап  келеді . Қопа  орта  мектебін  2015  жылы  бітірген  жеті  оқушының  төртеуі  білім  грантымен  оқып  жатыр.ҰБТ  ден  орташа  баллы  72,4.

 

 

Педагогикалық  кадрлар  құрамы.

 

Мектепте  педкадр  құрамы  қазіргі  таңда   36  адамнан  тұрады ,оның  төртеуі  жоғары  санатты, он  үші  бірінші  санатты,оны  екісі   екінші  санатты  мұғалімдер.Оның  80,5  пайызы  жоғары  білімді ,19,5  пайызы  арнаулы  орта  білімді мамандар .Арнаулы  орта  білімді  екі  маман  қазіргі  күні  жоғарғы  оқу  орынының  сыртай  оқу  бөлімінде  оқиды .Биылғы  оқу  жылында  ұжым  тағыда   екі жас  маманмен  толықты..Педкадрдың  орта  жасы  38,орташа  еңбек  өтілі  20жыл.

 

Сабақтан  тыс  тәрбие  жұмыстары .

 

Мектепте  сабақтан  тыс  ән,би,домбыра ,бейнелеу ,волейбол ,баскетбол,қазақша  күрес  үйірмелеріне  тоқсан  сегіз  оқушы  тартылған .Оқушылармен  білікті  мамандар  жұмыс  жасап  ,арнайы  кабинеттермен  жабдықталған .Оқушылар  өз  еңбектерін  түрлі  мерекелік  шараларда ,мейрамдарда  еңбектері  көрмеге  қойылып  көпшілік  ықыласына  бөленіп  жүр .Ауылымыздың  кез –келген  мерекелері  біздің  спортшы-өнерпаздарымыздың  белсенділігімен   жоғары  деңгейде  өтеді.

 

 

 

 

 

 

 

 

 

   

"Алтын белгі" иегерлері  

  • 1 иегері

    Алтынбай Жанболат Нұрбекұлы

    Т.Жармағамбетов атындағы орта мектептің түлегі

  • 2-иегер

    Байшукуров Темирлан Аскарулы

    Т.Жармағамбетов атындағы орта мектептің түлегі

   

"Алтын белгі" иегерлері  

  • 1 иегері
    1 иегері

    Алтынбай Жанболат Нұрбекұлы

    Т.Жармағамбетов атындағы орта мектептің түлегі

  • 2-иегер
    2-иегер

    Байшукуров Темирлан Аскарулы

    Т.Жармағамбетов атындағы орта мектептің түлегі

   
© "БАЙҒАНИН АУДАНДЫҚ БІЛІМ БӨЛІМІ" МЕМЛЕКЕТТІК МЕКЕМЕСІ