Омар Ықыласов

1932 жылы Сарытоғай елді мекенінде туған. 1948 жылы Жарқамыс орта мектебін бітіріп, Ақтөбе педагогикалық училищесіне түседі. Кейін Орал қаласындағы А.С.Пушкин атындағы педагогикалық институттың география факультетін бітіріп  шығады. Үшінші бесжылдық, Қызыл ту бастауыш мектептерінде және Көкбұлақ орталау мектебінде қызмет етеді. 1958 жылы Сам орталау мектебіне директор болады. 1961 жылы Қопа орталау мектебінің директоры болып қызмет атқарады. 1972 жылдан-1992жылы зейнет демалысына шыққанға дейін Байғанин орта мектебінің директоры болады. Сол жылдары жас жеткіншектерді еңбекке баулу, оларға кәсіби бағдар беру тәжірибесі кең қанат жайды. Шұбартаулықтардың бастамасына үн қосып, 1974 жылғы мектеп түлектері «Ұшқын» қой өсіруші жастар бригадаларын құрып, еңбекке араласты. Ұшқындықтар елеулі табыстарға ие болып, Қазақстан комсомолы Орталық комитетінің Қызыл туын жеңіп алды. Мектеп түлектерінен «Арай» құрылысшылар бригадасы жасақталды. Мектеп педагогикалық ұжымының іскерлігін, міндетті қызметіне деген жауапкершілігі оның түлектерінің еңбектегі табыстары айқындап берді.

О.Ықыласов 43 жыл бойы шәкірт дайындаған, 34 жыл ұжымдарға жетекшілік еткен білім беру ісінің ұйымдастырушысы.

 

«Қазақ КСР-і халық ағарту ісінің үздігі» атанды. Облыстық партия комитеті, Облыстық кеңес атқару комитеті және білім саласы басшылығы тарапынан марапатталып, әлденеше рет ауылдық кеңестің депутаты болып сайланды.     

                                                      

                          Қайырова  Жаңылша Сүлейменқызы

 

1931 жылы наурыз айында Ақтөбе облысы, Бестамақ елді мекенінде Луговой совхозында дүниеге келген. 1945 жылы Ақтөбе қаласындағы педучилищеге түскен. Оқуын 1948 жылы аяқтап, Қыздар педогогикалық институтына түсіп, 1950 жылы бітірген. Өзінің еңбек жолын Байғанин аудандық Жем 7 жылдық мектебінде ұстаздық қызметін бастаған. 1952 жылы 1954 жыл аралығында Жарқамыс орта мектебінде еңбек еткен. 1955 жылдан бастап Сағыз 7 жылдық мектебінде ұстаздық қызметін жалғастырды. Осы мектептен 1981 жылы еңбек демалысына шығып, 1986 жылға дейін ұстаздық қызметін жалғастырған. 1968 жылы Батыр Ана орденінің иегері болды. Қайырова Жаңылша Сүлейменқызы баланы оқыту мен тәрбиеленудегі еңбектері жоғары бағаланып, ҚР білім министрлігінің мақтау қағазымен және «Қазақ КСР оқу ісінің үздігі» белгісімен (1976) марапатталды.

                                                          

                                                  Жұмағазина  Самиға          

 

1975 жылы Ақтөбе мемлекеттік педагогикалық институтының физика-математика факултетінің математика бөлімін бітіріп, Сағыз орта мектебінде математика пәнінен оқытушы болып қызмет етеді. 1997-2004 оқу жылы аралығында оқу  ісінің  меңгерушісі  болып  істеді. 1998 жылы Қазақстан Республикасының білім министрлігінің громатасымен марапатталды. Жоғары санатты мұғалім. Қазір зейнеткер, Ақтөбе қаласында тұрады.

                                          

                                                 Жәленов  Михаил

 

1926 жылы Қопа  ауылы  Темір ауданында   дүниеге келген. Жәленов Михаил білім  беру ісінің ұйымдастырушысы, мұғалім, әдебиетші. Жарқамыс орта мектебінде оқыды. Ақтөбе мұғалімдер институтын бітірді(1946). 1946-1947 оқу жылы Жарқамыс орта мектебінде қазақ тілі мен әдебиеті пәнінің мұғалімі болып ұстаздық жолын бастады. 1947-1989 жылдары Жем орта мектебінің директоры Байғанин аудандық комитеті бірінші хатшысының көмекшісі, аудандық оқу бөлімінің меңгерушісі, Сағыз орта мектебінің директоры, осы мектептің мұғалімі  қызметтерін атқарды. Жаленов М. Ауданның білім беру жүйесін дамытуға, оқушыларын жан-жақты тәрбиелеудің тиімді жолдарын жетілдіруге, мұғалімдердің өзара тәжірибе алмасуы мен оқытудың озық әдістерінің таратылуын қамтамасыз етуге белсене араласып, оқу-тәрбие процесінің жақсаруына үлес қосты. Жәленов М шебер педагог, ұйымдастырушы, басшы, болуымен қатар,үлкен өнер иесі. Жұртшылық дәулескер домбырашы, күйші өнерпаз ретінде де жақсы біледі. М. Жаленовтің  репертуарында Құрманғазы, Дәулеткерей, Қазанғап, Есір, Сүгір, Кәуен, Мәмен, Абыл т.б. шығармалары  бар. Жәленов М. Қазанғап атындағы қазақ аспаптар оркестрінің музыкалық ұжым ретінде қалыптастыруына атсалысты. «Қазақ КСР оқу ісінің үздігі» белгісімен марапатталды. /1966ж/. 2015-жылы қайтыс болды

 

                                                                 

                                                   Жұмабаев Жанкерей

1940 жылы 29-қарашада Құлсары елді мекенінде туған. 1957 жылы орта мектепті бітіргеннен кейін, Гурьев ветеринарлық техникумына түсіп, бітіреді. 1960 жылы Алматыдағы жоғары оқу орнына түсіп, оны 1964 жылы органикалық химия–биология мамандығы бойынша бітіріп шығады. Сол жылы Сағыз орта мектебіне химия пәнінің мұғалімі болып орналасады. 1972  жылы Москвада кандидаттық диссертациясын қорғайды. Ақтөбе мемлекеттік медициналық институтында (1972ж) оқытушы, химия–биология кафедрасының меңгерушісі болды. Химия–биология кафедрасының доценті ( 1980ж.), профессор. Өмірінің  соңына дейін Ақтөбе мемлекеттік медицина институтында студенттерге дәріс беріп, 2002 жылы 3-қыркүйегінде өмірден өтті.    

   

"Алтын белгі" иегерлері  

  • 1 иегері

    Алтынбай Жанболат Нұрбекұлы

    Т.Жармағамбетов атындағы орта мектептің түлегі

  • 2-иегер

    Байшукуров Темирлан Аскарулы

    Т.Жармағамбетов атындағы орта мектептің түлегі

   

"Алтын белгі" иегерлері  

  • 1 иегері
    1 иегері

    Алтынбай Жанболат Нұрбекұлы

    Т.Жармағамбетов атындағы орта мектептің түлегі

  • 2-иегер
    2-иегер

    Байшукуров Темирлан Аскарулы

    Т.Жармағамбетов атындағы орта мектептің түлегі

   
© "БАЙҒАНИН АУДАНДЫҚ БІЛІМ БӨЛІМІ" МЕМЛЕКЕТТІК МЕКЕМЕСІ